Hiligaynon news: Aklan magahiwat it ika 13 nga Piña and Fiber Festival

Hiligaynon news: Aklan magahiwat it ika 13 nga Piña and Fiber Festival

Thursday 15th of March 2012

KALIBO, Aklan (PIA6) -- Magahiwat ro probinsya it Aklan sa masunod nga buean it ika-13 nga Piña and Fiiber Festival kadungan sa pag selebrar it probinsya it ana kara nga ika 56 nga anibersaryo bilang separado nga probinsya halin sa Capiz.

Ro Piña and Fiber Festival hay dinag-on eon nga sambilog sa mga atraksyon it Aklan Day Celebration, ag pagahiwaton halin sa Abril 23-29 sa Provincial Trade Hall sa Capitol Grounds.

Ro festival hay nagaserbe bilang oportunidad sa mga Micro, Small and Medium Enterprises (MSMEs) sa Aklan nga ikabaligya ag ikapakita ro mga dekalidad nga mga hinimuang produkto parehas ku hinaboe nga piña, abaca ag raffia, nga gamit sa baeay, mga gin proseso nga mga pagkaon, tinapay ag iba pang produkto, engineered bamboo ag iba pa.

Suno kay Provincial Director Diosdado P. Cadena, Jr. it Department of Trade and Industry (DTI) – Aklan, ro festival ngara hay sangka mayad nga modelo it Public Private Partnership (PPP) it gobyerno probinsyal it Aklan, DTI, Fiber Industry Development Authority (FIDA), Aklan Piña Manufacturers and Traders, Inc. (PIÑAMANTRA), Hugod Aklanon Producers Association, Inc., ag Philippine Chamber of Commerce and Industry, Inc. Aklan Chapter.

Gindugang pa gid ni Cadena nga may pag exhibit man it One Town-One Product (OTOP) ro 17 nga mga banwa it Aklan ag pagpakita ag papgbaligya it freska nga mga produkto halin sa mga uma ag mga organisasyon sa komunidad, ahensya ag institusyon.

Dugang pa gid nga mga atraksyon sa masunod nga buean ro sang dominggo nga food festival paagi sa Tsibugan Sa Kapitolyo.

Nangin separado nga probinsya ro Aklan sa Capiz ku Abril 25, 1956 pagkapirma ni anay Presidente Ramon Magsaysay it Republic Act 1414 halin sa ‘bill’ nga gin file ni Congressman Godofredo P. Ramos.

Bangud kara, ginntawag si Ramos nga “Ama it Akean”. (JSC/VGV-PIA 6 Aklan)

Cabatuan.com - Kasimanwa.com - Diosdado Cadena Jr.