Mary Diane Mellizas sang Cabatuan Central Elementary School kabilang sa Ten Most Outstanding Elementary Pupils sa Iloilo, 2010-2011 Outstanding students sang Iloilo natalana pasidunggan PIA Press Release Tuesday, March 08, 2011 Hiligaynon news: Outstanding students sang Iloilo natalana pasidunggan by Lilibeth A. French ILOILO CITY, Mar 8 (PIA). Natalana nga pasidunggan sang Outstanding Students Circle of Iloilo ang mga tagdaug sa Search for the Ten Most Outstanding Elementary Pupils kag Ten Most Outstanding Secondary School Students sa Iloilo para sa Academic Year 2010-2011 sini nga Biyernes, Marso 11, 2011. Ginpahayag ni OSCI Tsirman Henry Caspe nga pagapangunahan ni Dr. Raymundo A. Lapating, Schools Division Superintendent sang Departmento sang Edukasyon sang Dibisyon sang Iloilo ang paghatag sang pasidungog nga pagahiwaton sa DepEd’s Social and Cultural Hall sa Gen Luna St., Iloilo City sumugod ala una ang takna sa hapon. Nagpanguna si Jinnah Mae Villanueva sang SPED - Integrated School for Exceptional Children sa bahin sang elementary samtang si Raoul Danniel A. Manuel sang University of the Philippines High School-Iloilo ang nagpangibabaw sa sekondarya. Ginalakipan ang iban pa nga tagdaug sa bahin sang elementarya sang mga masunod: Galvan, Ramon A. III sang Iloilo Central Commercial High School; Nismal, Gianne Gilbert sang Sto. Domingo Elementary School; Soltones, Kenn John sang Sta. Barbara Central Elementary School; Tse Wing, Paula Margarita sang West Visayas State University; Dasas, Neil Marc sang Solomon Integrated School de Iloilo; Togonon, Justin Adriel Zent sang Children's Integrated School of Alta Tierra, Inc.; Jaro, Ma. Christelli sang Jaro I Elementary School; Sibug, Antonio sang Baluarte Elementary School; kag Mellizas, Mary Diane sang Cabatuan Central Elementary School. Sa bahin sang sekondarya, ginalakipan ang iban pa nga mga tagdaug nanday :Sesbreño, Roxzien Shaye sang Guimbal National High School ; Ciriaco, Prince Descartes Jode sang Central Philippine University ; Lopez, Anna Isabel sang St. Joseph (School), Inc ; Somes, Tiffany Marie sang Iloilo Central Commercial High School ; Guelos, Ramon Jr. sang Colegio de San Jose; Caram, Francine Beatrix sang SPED - Integrated School for Exceptional Children ; Wee, Krisha sang Scholastic Academy ; King, Jethro Aramis sang Sun Yat Sen of Iloilo, Inc. ; kag Robles, Threscia Grace sang Sta. Barbara National Comprehensive High School. Ang napulo ka mga tagdaug sa kada kategoriya ang ginpili sandig sa masunod nga talaksan :Academic achievement 50%; co-curricular activities 35%; kag interview 15%. Sa paglipas sang tinuig, ang paindis-indis padayon nga nagakuha sang partisipasyon sang mga nanuhaytuhay nga mga buluthuan diri sa siudad kag probinsiya sang Iloilo lakip ang siudad sang Passi. Sini nga tuig, duha ka mga bag-o nga buluthuan ang nalakip na sa hubon sang mga tagdaug. Inia mo ang Baluarte Elementary School kag Sun Yat Sen of Iloilo, Inc. Ginapangunahan ang tuigan nga Search for TOEP kag TOSSS sang OSCI, ginabug-usan sang mg nauna nga tagdaug, sa koordinasyon sang Departamento sang Edukasyon. (JCM/LAF/PIA-Iloilo) (Bookmark this page for future reference) CABATUAN AIRPORT Cabatuan.com - Timeline 2011 Cabatuan.com